 Friday, August 02, 2002
Og þá eru það gullkorn úr tjónaskýrslum:
Gulli var gestkomandi hjá Önnu og Jóni. Gulli þurfti skyndilega að kasta upp og fór inn á baðherbergi og kastaði upp í klósettið. Anna
stóð yfir honum og sturtaði niður þegar hann hafði lokið við að kasta upp. Við uppköstin missti Gulli lausan tanngóm í klósettið, en tók ekki
eftir því fyrr en hann fór út úr baðherberginu.
...við byrjuðum að taka U-beygju en þurftum að bíða eftir að bílarnir sem komu úr gagnstæðri átt væru farnir en eftir nokkurra sekúndna
bið klessir bíll inn í okkur og flaug hausinn á mér í andlit bílstjórans...
...Hún kveður tennur í neðri gómi hafa skekkst við áreksturinn en að sjálf hafi hún rétt tennurnar með handafli og síðan farið til tannlæknis
sem hafi verið ánægður með handverkið og taldi tennurnar sem óðum að festast...
Jón var í kaffi og var að spila Manna. Hann fylgdi slagnum svo vel eftir að hann barði í borðið og braut á sér höndina
Ég rakst á kyrrstæðan vörubíl, sem var að koma úr hinni áttinni
Ég hélt að bílglugginn væri opinn, þangað til ég hafði stungið höfðinu út um hann
Ég sagði lögreglunni að ég væri ómeiddur, en þegar ég tók ofan hattinn komst ég að því að ég var höfuðkúpubrotinn
Það kom bara ósýnilegur bíll, rakst á mig og hvarf
Ég sá að gamli maðurinn mundi aldrei hafa það yfir götuna og keyrði því á hann
Ég var búinn að keyra í 40 ár, þegar ég sofnaði við stýrið og lenti í slysinu
Sá fótgangandi stóð og vissi ekkert í hvora áttina hann átti að fara svo ég keyrði yfir hann
Ég var á leiðinni til læknisins, þegar púströrið datt aftur úr mér
Ég var að reyna að drepa flugu og keyrði þarna á símastaurinn
Hinn bíllinn keyrði beint á mig, án þess að gefa neitt merki um hvað hann ætlaði að gera
Það bakkaði trukkur í gegnum rúðuna á mér og beint í andlitið á konunni
Maðurinn var allsstaðar á veginum, ég varð að taka heilmargar beygjur áður en ég rakst á hann
Ég beygði frá vegbrúninni, rétt leit á tengdamömmu og hentist út á veginn hinum megin
posted by Hildur at 2:23 PM
discover what candy you are @ stvlive.com
Ég veit nú ekki einu sinni hvað þetta nammi er eða hvort það sé gott á bragðið!
Og er ég mikil væluskjóða sem allir vorkenna nú samt? Gavööööð ég verð greinilega að fara að herða mig!
posted by Hildur at 2:08 PM
Thursday, August 01, 2002
Which flock do you follow?
this quiz was made by alanna
Ég tók þetta próf og fékk út að ég væri "the neutral sheep", en ég var ekki ánægð með það þannig að ég fór til baka og tók prófið aftur þannig að það yrði öruggt að ég fengi ekki sömu niðurstöðu. Ég er semsagt ekki svona trendy, ég bara vil ekki sætta mig við að vera svona hlutlaus, það kemur ekki nógu vel út á prenti.
posted by Hildur at 2:12 PM
Það er alltaf gaman að gera grín að sjálfum sér... eða stundum allavegana. Ég er þeirrar náttúru að ég heyri frekar illa og misheyri lagatexta afskaplega gjörla. Hér koma nokkur dæmi sem ég veit um:
Réttur texti:
"Aðfangadagskvöld fyrsta aðfangadagskvöld, á jólahátíðinni. Það aðfangadagskvöld fyrsta aðfangadagskvöld er enn barnahátíðin mest, la la la la barnahátíðin mest."
Svona heyrði ég það:
"......... Það aðfangadagskvöld fyrsta aðfangadagskvöld er eldvarnarhátíðin mest la la la la varnarhátíðin mest."
Réttur texti:
"IIIIIIIIII FREAK OUT!"
Svona heyrði ég það:
" AAAAAFRICA!"
Réttur texti:
"Tell me why I can't be there where you are"
Svona heyrði ég það:
"Tell me why I can't be there when you walk"
Réttur texti:
"It's the final countdown"
Svona heyrði ég það:
"It's the fire of downtown"
Réttur texti:
"Big girls don't cry"
Svona heyrði ég það:
"Big girls, small price"
Réttur texti:
"Adam átti syni sjö........ Hann sáði, hann sáði"
Svona heyrði ég það:
"Hann sá þig hann sá þig"
Réttur texti:
"Mamma geymi gullin þín, gamla leggi og völuskrín"
Svona heyrði ég það:
"Mamma geymi gullin þín, Kamilla leggi og völuskrín"
Réttur texti:
"You make me feel like a natural woman"
Svona heyrði ég það:
"You make me feel like a man, sure or woman"
Réttur texti:
"I'm crazy for you Mr. DJ"
Svona heyrði ég það:
"I'm crazy 'cause I miss the DJ"
posted by Hildur at 1:27 PM
Which era in time are you?
Segðu mér eitthvað sem mig grunar ekki sterklega nú þegar! Mín tilfinning er sú að eini tónlistarmaðurinn sem tekist hefur að sviðsetja eigin dauða er Tupac Shakur sjálfur, og NEI TAKK ekkert cherry coke fyrir mig!
posted by Hildur at 12:59 PM
Verzlunarmannaeyjahelgi!
Nú er að byrja mesta ferðahelgi ársins. "The shopping people's weekend". Fólk er strax farið að míga á sig af tilhlökkun til að skella sér í Herjólf og hoppa út í eyjaklasa suður í rokrassgati, tjalda þar og hlusta á Ber og Á móti sól tjútta og dilla sér. Látum það vera að eina skjólið manns annaðhvort fýkur í burtu eða sekkur ofan í drullusvað, þannig að ekkert er eftir annað en brjóstbirtan til að halda að manni hita.
Semsagt, ég er ekki útihátíðarkandídat. En ég vona samt að fólk skemmti sér vel hvar sem það verður. Sjálf fer ég á innihátíð sem heitir "Þjóðhátíð í Barmahlíð". Þannig slepp ég við svimandi háa ferðakostnaðarreikninga, OG neyðist ekki til að sofa í tjaldi og verða köld, blaut og hrakin og vakna með 10 köngurlær inni á svefnpokanum hjá mér. Kannski maður bara skelli sér út á lífið ásamt skoðanabræðrum og systrum. Að sjálfsögðu fara allir Skímó aðdáendur og tjalddýrkendur út í villimennskuna, og hér eftir í siðmenningunni verðum við bitru miðbæjarrotturnar (reyndar er ég í 105Rvk) sem erum í engum tengslum við náttúruna.
Sjáumst í Reykjavík um Verslunarmannahelgina!!
posted by Hildur at 9:47 AM
Take the Which Madonna Video Are You? Quiz
Þetta þýðir bara það að ég er alltaf á djamminu. Er það ekki annars?
posted by Hildur at 8:25 AM
Wednesday, July 31, 2002
Fleira úr minningargreinum:
Helga lést þennan dag klukkan 4. Hún hafði ætlað að eyða deginum í annað.
Tók hann fráfall konu sinnar mjög nærri sér vegna barnanna.
Hann skrapp úr vinnu til að fara í þrekprófun í Hjartavernd en kom þaðan liðið lík.
Ágústa giftist ekki og eignaðist ekki börn í venjulegum skilningi þess orðs.
Þrátt fyrir góða greind gekk hún aldrei í kvenfélag.
Á þessum fjölbreytta lífsferli kynntist Guðjón mörgum mönnum af ýmsu þjóðerni, þar á meðal Indíánum og Kínverjum. hann lærði tungumál þeirra að meira eða minna leyti, einkum þó ensku og norðurlandamálin.
Það er löngu vitað mál að bestu og skemmtilegustu vinina eignast maður í lúðrasveitum.
Og má segja að ekki setti hún svo skál með tvíbökum á borð að ekki stafaði af því mýkt og listfengi.
Hann giftist eftirlifandi eiginkonu sinni og átu þau tvö börn.
Gönguferðin þeirra varð styttri en menn vonuðu. Banvænn sjúkdómur beið hennar bak við stein og sló hana fljótt til jarðar.
Hún hafði það sterka skapgerð að smá rigningarsuddi setti hana ekki úr jafnvægi.
Hann var sannur Íslendingur og dó á 17. júní.
Þar voru m.a. María Rögnvaldsdóttir og Guðrún Sigurðardóttir frá Folafæti. Enda þótt María væri þá hálfslæm í fæti lék hún við hvern sinn fingur.
Í dag kveðjum við kæran samstarfsmann og félaga. Hann tók sér tveggja daga frí til að kveðja þennan heim.
Orð þessi eru skrifuð til að bera Sveini (líkinu) kveðju, og þakkir frá tengdafólki hans og ekki síður frá tengdamóður hans þótt nú nálgist 10. árið frá fráfalli hennar.
Hún bjó manni sínum gott heimili og ól honum 9 hraust börn, þar af tvö á sjómannadaginn.
posted by Hildur at 1:40 PM
 Which cartoon character are you?? Find out @ blackhole
Ætli einhverjum öðrum en sjálfri mér þyki merkilegt að vita hvaða teiknimyndapersóna ég sé?
posted by Hildur at 9:14 AM
 Hvaða teiknimyndavondukall ert ÞÚ?
Ég er allavegana ekki klofinn persónuleiki eins og hún Berglindýr vinkona mín sem er Kjartan vondi galdrakarl og einhver annar. reyndar er Kjartan nokkuð svalur karl, það væri nú gaman að vera hann.
posted by Hildur at 8:41 AM
Tuesday, July 30, 2002
blogger.com
posted by Hildur at 12:52 PM
Take the What Pair of Pants are You? quiz
by Bekka
Ég hélt það væru takmörk fyrir svona prófum. En greinilega ekki! En ég veit það að svona próf eru spegill sálarinnar þannig að við skulum ekki leggja vantrúnað á gildi þeirra!
posted by Hildur at 11:02 AM
Ástæðan fyrir því að ég fíla ekki Þriðjudaga er ekki sú að þeir séu til þrautar samkvæmt málshættinum (þó að Ásdís! hafi haldið því fram.) Ástæðan er þvert á móti sú að ég er alltaf svo ómöguleg á Þriðjudögum sökum þreytu og pirrings. Ekki það að þessi helgi hafi verið neitt svakaleg. Það var aðallega svefn og rólegheit, nú og svo kom Ninja Sif í smá heimsókn og við átum popp, drukkum hálfan Tuborg hvor og töluðum illa um karlmenn. Það er semsagt mun skárra ástand hjá mér nú heldur en þriðjudaga eftir stanslaust útstáelsi.
Umrædd Ninja var annars síðasta Sunnudag að flytja allt sitt hafurtask upp í GRAFARVOG (for cryin' out loud!!!) Mér skilst að það sé einhver húsaþyrping austur í rassgati.
posted by Hildur at 10:52 AM
Ég vil nota tækifærið og bjóða hana Eddu velkomna. Ég veit að hún er ötull gestur á heimasíðunni minni (allavegana er hún búin að kíkja einu sinni að hennar sögn!). Svo vil ég óska henni Sigrúnu Matthíasdóttur góðrar ferðar. Hún er að vinna með mér á göngudeildinni hérna uppi á Landsa og hún er víst að fara í útskriftarferð á morgun. Ekki slæmt það! Hún fer ásamt fríðu föruneyti annarra MK vitleysinga til Torremolinos (en þar voru ég, Berglind, Hafrún, Sæunn og Fríða yfir eina helgi í fyrra og skemmtum okkur VEL). Takmark ferðarinnar hjá henni og samskólungum hennar er víst að drekka, æla, drepast og muna sem minnst eftir ferðinni.
Það er ansi rólegt hjá okkur hérna í 11-F í dag þannig að hver veit nema ég geti lært eitthvað fleira í forritun í dag með hjálp idjótavefsíðunnar!
posted by Hildur at 10:26 AM
 See what Care Bear you are.
Nú. Kemur á óvart!
posted by Hildur at 9:22 AM
posted by Hildur at 8:37 AM
Þriðjudagur til þrautar!
Af hverju finnst mér alltaf svona erfitt að vakna á þriðjudögum? Vitur maður sagði mér að Þriðjudagar væru til þrautar og það er ekki ofsögum sagt. En í tilefni dagsins er ég að reyna að læra að forrita og langar mig að byrja á að setja in hlekk. Og hvað er betur við hæfi en að setja hlekk að síðunni sem er að reyna að kenna mér að forrita? Hún er meira að segja ljóskuheld í þokkabót.
Skoðaðu!!
posted by Hildur at 8:32 AM
Monday, July 29, 2002
Það er svo gaman að taka svona kannanir. Hverjum þarf það svosem að koma á óvart að ég sé Harley Davidson barbie? Ekki mér.
Ásdís Björns er Presidental barbie og Berglindýr var einhver bleik barbí. Við erum góðar saman í ÁsBerg&Hill Incorporated. Ásdís stjórnar öllu og er málefnaleg, ég rokka feitt og dissa alla, og Berglind situr, er sæt og heldur kjafti.
posted by Hildur at 3:45 PM
 Which Sex and the City Player Are You? Find out @ She's Crafty
Já. Það er líka alltaf verið að segja þetta við mig : Hey! Þú ert eins og Samantha í Sex and the City! eða: "Can I have an autograph??" Þá er ég alveg :"Oh!!! Þetta er bara ég, HILLYBILLY!"
posted by Hildur at 3:26 PM
 Dúfur eru snarhaettulegar!!!!!
!
posted by Hildur at 3:09 PM
Ég var búin að lofa henni Ninju að ég myndi dissa hana á blogginu mínu. En ég ætla ekki að gera það núna. Ég ætla að gera það þegar hún á síst von á því, og það skal vera eftirminnilegt. Takk
posted by Hildur at 2:41 PM
Þetta er eitthvað svindl:
Ég skil þetta ekki. Ég held þetta sé af því að ég sagðist vera "freaking genious". Og samt játti ég því að hafa fest líkamsparta í rennilás, og að ég horfði mest á "history channel"
posted by Hildur at 2:39 PM
Góðan dag og verið velkomin á þessa yndislegu síðu. Ásdís Björnsdóttir fær mínar fyrstu og helstu þakki fyrir að hafa hjálpað mér í mínum byrjendaerfiðleikum. Takk!
posted by Hildur at 1:48 PM
| 
