Sjálfsskaparvíti!
Ég er að ganga í gegnum fremur sársaukafulla sjálfspíningu þessa dagana sem felst í því að éta bara hollt og ná tökum á páskaspikinu. Þetta er ekkert grín. Ég át gras á Grænum Kosti áðan og fékk mér Aloe Vera jógúrt í morgunmat. Finnst ykkur það vera aðhlátursefni?? Þetta er voða heilnæmt og ég venst þessu kannski. En vandamálið með mig er það að allt sem er gott í hófi finnst mér best í óhófi. Ég get ekki varist hugsuninni um gómsætar sveittar samlokur, kóladrykk og súkkulaði. En maður getur ekki látið hvað sem er eftir sér ef maður ætlar að geta sýnt sig á bikiníi í sumar og ég tala nú ekki um ef maður ætlar að sýna gott fordæmi á RPM og BodyPump kennaranámskeiðunum sem verða reyndar ekki fyrr en í sumar.
Reyndar hef ég verið afar dugleg í ræktinni, það er ekki það. Og fyrst að sú sjálfspíning kemst í vana þá hlýtur grasáts sjálfspíning að gera það líka. Er það ekki annars?
posted by Hildur at 7:12 PM

Ég er farin að standa mig að því að vera svo heiðarleg og víðsýn, sem er auðvitað ekki mér líkt.
Þetta hefur verið svona meðvitað og ómeðvitað átak hjá mér. Mér finnst ljótt að dæma fólk eftir
útliti, klæðaburði eða gáfum, en hins vegar er ég farin að ímynda mér að ljótt fólk hljóti alltaf að
vera með fallegt hjartalag, og heimskt fólk má þó eiga það að það hefur ekki hugsað eins margar
ljótar hugsanir eins og við gáfaða fólkið. Gott ef ég er ekki farin að vera umtalsfróm gagnvart
landsbyggðafólki, listaspírum, Norðmönnum og jafnvel Heimdellingum.
Er þetta ekki óheillavænleg þróun?
Allavegana tala ummæli föður míns sínu máli þegar hann sagði við mig: "Veistu það Hildur Edda,
það fer þér engan veginn að vera svona víðsýn og umburðarlynd."

posted by Hildur at 1:39 PM

Ég er alveg að drukkna í ritgerðarskrifum og lærdómi, þetta eru ekki búnir að vera áhugaverðir
páskar. Reyndar er ég ekki hrifin af því að hafa þetta páskaleyfi af því að ræktin er lokuð og
ég sit uppi með páskaegg númer 3. Ég er nefnilega að fara á námskeið fyrir RPM og BodyPump
kennara í lok mánaðarins og ef maður ætlar að kenna þetta er ekki nóg að vera í skítsæmilegu
formi heldur finnst mér að maður þurfi að vera í sérstaklega góðu formi. Og það næst ekki með
því að hanga yfir bókum og hakka í sig súttlað.

Mig langar að hvetja ykkur til að skrifa undir hér:


posted by Hildur at 2:23 PM