Ég hitti selebb
Ég hitti seleb liðurinn er að þessu sinni tileinkaður stórkapítalistanum Pétri Blöndal. Ég hef verið að vinna að gerð tískutímarits Kringlunnar síðustu tvær vikurnar og því þurft að skjótast ansi mikið þangað. Í gær var ég þar að erindast og gekk framhjá kosningabás D-listans. Þar stóð Pétur, sykursætur og stimamjúkur og bauð mér Sjálfstæðisvatnsbrúsa með bros á vör. Ég þakkaði nei og afsannaði þar með kenninguna sem hann setti fram um úthlutun Mæðrastyrksnefndar fyrir jólin -um að þar sem eitthvað væri gefins væri ætíð nóg af fólki til að þiggja.
posted by Hildur at 2:53 PM

Hræsnarar.is!
Þessi grein á Deiglunni segir allt sem segja þarf um þá vörn sem ungir Sjallar eru komnir í. Eins og ég, Maggi Már, Arndís og fleiri höfum verið að benda á er Sjálfstæðisflokkurinn með Heimdellinga í nokkrum af sínu efstu sætum, en boðar nú gjörólíka stefnu fyrir kosningar, stefnu sem er afskaplega lík stefnu Samfylkingarinnar, eða hálfgerð diet-útgáfa af henni. En ungir sjálfstæðismenn hafa samþykkt þessa harðlínu frjálshyggjustefnu sem er í algerri andstöðu við loforðaflaum þeirra núna fyrir sveitarstjórnarkosningarnar. Svo kvartar þessi annars ágæti Deiglupenni yfir því að við séum ómálefnaleg með að benda á hræsnina sem Sjallar beita í sinni kosningabaráttu! Hvað er ómálefnalegra en að há kosningabaráttu í því eina skyni að ná völdum, og ljúga þar með miskunnarlaust til um sína stefnu??
Tilvitnun:

Ungir Jafnaðarmenn eru samt alverstir því ekki veit ég enn fyrir hvað þeir standa því það eina sem þeir gera er að taka eina og eina setningu úr einhverjum ályktunum af einu SUS þingi og birta þær. Það er líkt og það hafi verið of erfitt að búa til stefnu sjálf og einhverjum snillingnum datt í hug ,,Hey tökum bara þeirra dót og snúum út úr því, þá kýs fólk okkur”. Þetta er vissulega ein aðferð en ég efa að hún sé að ná þeim mörgum atkvæðum

Erum við að snúa út úr stefnu Sambands ungra Sjálfstæðismanna? Eru þeir hlynntir styrkjum til menningarmála og opinberum rekstri á grunnskólum og leikskólum? Hvaða stefnu aðhyllast þeir? Er Sjálfstæðisflokkurinn félagshyggjuflokkur? Ef nei, af hverju þykjast þeir þá vera það núna fyrir kosningar? Ef já, af hverju svara þeir okkur jafnaðarmönnum ekki afdráttarlaust og taka stefnu SUS til baka?

Sjálfstæðismenn sem lesa þetta, endilega kommentið -ef þið hafið einhver svör!

x-S
posted by Hildur at 2:47 PM

Ég heyrði svo sérstakt slangur áðan. Tveir unglingspiltar sem voru að vinna í Krónunni voru eitthvað að tala um ákveðið selebb og hvað það væri hrokafullt með eindæmum. Annar þeirra nefndi nokkur dæmi máli sínu til stuðnings og hinn svaraði: "Nákvæm-fokking-lega!"

Er þetta það nýjasta nýtt hjá ungdómnum í dag? Mikið afskaplega er ég orðin gömul.
posted by Hildur at 1:07 PM

Til hamingju Finnland!
Ég er svona frekar ánægð með keppnina í ár. Það er skemmtilegt að Finnar skulu hafa unnið og atriðin voru vel flest hin athyglisverðustu. Það er þó skömm að grískir áhorfendur töldu sig þurfa að baula á Litháa líkt og Silvíu. Ég meina, ég vil veg keppninnar sem mestan, en fátt er skemmtilegra en að hafa húmor fyrir því sem maður er að gera. Af hverju geta þeir ekki litið á þetta sömu augum?
Ég verð hins vegar að bölva Andorru fyrir sitt ömurlega atriði í undankeppninni. Lagið var leiðinlegt og þau reyndu að bæta fyrir það með að hafa kerlingar á nærfötunum á sviðinu með söngnum? Það er til háborinnar skammar og ef ég réði öllu í keppninni og væri stjórnlyndari en ég er myndi ég meina Andorru þátttöku. Það hefur líka sýnt sig að berrassaðar kerlingar hjálpa ekki lögum að ná inn stigum, enda eru það aðallega konur og hommar sem halda upp á keppnina. Það eina sem unnist hefur með þessum ósóma er að sumar þjóðir fara að minna á plebbann 50Cent og konur eru hlutgerðar. Það er skömm og hneisa.

Annars tók ég mig til í gær og nældi Samfylkingarnælur á hina og þessa útlendinga. Þeir eru alveg kjörnir til þess að bera áróðurinn á sér, enda eru þeir úti um allt. Þessir sem ég merkti urðu allir glaðir yfir merkjunum sínum, sérstaklega "Reykjavík er frábær" merkjunum. Það setti það enginn fyrir sig að um væri að ræða áróður fyrir jafnaðarmenn. Kannski af því að það eru allir jafnaðarmenn inn við beinið. Ef ég væri stödd í útlöndum væri ég afar vandlát á áróður og myndi til dæmis aldrei þiggja barmmerki til stuðnings íhaldsflokki eða þjóðernisflokki. En það eru líka *ritskoðað*
posted by Hildur at 4:02 PM