Flugfreyjupróf
Jæja þá er maður búinn að taka hið alræmda flugfreyjupróf. Ég held það sé mjög
þroskandi að taka svona heimskuleg próf sem sýna það svart á hvítu hvað maður
er vitlaus annað slagið. Ég gjörsamlega skeit á mig í fyrri hlutanum sem átti að mæla
"almenna þekkingu". Hvernig á ég að vita hvað ríkissáttasemjari og blaðafulltrúi
Icelandair heita? Og hvar í lífinu eru einhverjir "Petroni" turnar eða hvað þeir heita
aftur?? Hvað heitir annars stærsta eyja Japans? Að vísu vissi ég að Hokkaido væri
ekki rétta svarið, þannig að ég giskaði á eitthvað annað en það.
Ég mátti reyndar eiga það að ég vissi hvað samgönguráðherra hét (Stulli Bö, jor mæ
men!) og að Hólmavík væri staðsett við Steingrímsfjörð.
Seinni hlutinn gekk út á að mæla tungumálakunnáttu og þar svaraði ég fimlega spurningum
á ensku, dönsku, þýsku, spænsku og frönsku, auk þess sem ég lét mér að því að skrifa
ritgerð á sænsku. Já geri aðrir betur!
Líkurnar á því að ég verði kölluð í viðtal eru kannski sæmilegar. Þriðjungur þeirra sem gekk
best í prófinu fara í viðtal. Því skyldi ég ekki vera klárari en þessi módel og þessar
fegurðardrottningar?
En svo mæti ég í viðtalið og þeim fallast hendur. Ég misstíg mig í öðru hvoru skrefi. Það
þarf að endurtaka allt fyrir mér að minnsta kosti tvisvar til að ég fatti það. Ég kann ekki að
hella kaffi í bolla án þess að sulla út fyrir. Rödd mín minnir á strigabassa og ég kann enga
mannasiði. Svo er ég engin Florence Nightingale í mér. Ef einhver segist vera með hellu eða
illt í bakinu eða með fæturnar í kremju, eða er kalt eða heitt, þá minni ég þá samviskusamlega
á það að það er til fullt af fólki í heiminum sem vinnur myrkrana á milli án þess að fá svo mikið
sem dollara á dag. Fátækir bændur í Afríku, eskimóar í Norður Kanada og elliheimilastarfsmenn
á Íslandi myndu gefa mikið fyrir að fá að sitja inni í flugvél og slappa af í nokkuð þægilegu
sæti.
En hættum þessu bulli. Ef einhverjir bekkjarfélaga minna úr MR lesa þetta þá mega þeir vita
að bekkjarpartý er í vændum. Ég sakna svo bekkjarins míns! Saknið þið mín ekki líka?
posted by Hildur at 9:50 PM

Hér getiði fræðst um Barbí og hvernig hún
væri ef hún væri brúnhærð.
posted by Hildur at 12:14 PM

My inner child is sixteen years old!

Life's not fair! It's never been fair, but while
adults might just accept that, I know
something's gotta change. And it's gonna
change, just as soon as I become an adult and
get some power of my own.


How Old is Your Inner Child?
brought to you by Quizilla


Mér leiðast unglingar. Þeir eru alltaf flissandi, með stæla og að reyna að vera eitthvað þroskaðir
þótt allir sjái í gegnum það. Uppáhaldssetningin mín er: "Ungingar eru líka fólk!" Því að ég sagði það
sjálf þegar ég var unglingur. En nú er ég búin að komast að því að annað hvort er maður óþolandi
gelgja eða manneskja. Maður getur ekki talist vera bæði.

posted by Hildur at 2:40 PM