Er einhver sammála þessu?

You're
the United Nations!

Most people think you're ineffective, but you are trying to
completely save the world from itself, so there's always going to be a long
way to go.  You're always the one trying to get friends to talk to each
other, enemies to talk to each other, anyone who can to just talk instead of
beating each other about the head and torso.  Sometimes it works and sometimes
it doesn't, and you get very schizophrenic as a result.  But your heart
is in the right place, and sometimes also in New York.
face="Times New Roman">Take the Country
Quiz at the Blue Pyramid

posted by Hildur at 9:42 PM

Ég held mér sé hollast að hætta að röfla um atvinnuumsóknir mínar og viðtöl. Fólk hlýtur að vera orðið
leitt á því. Ja nema það að ég ætla að segja að ég fór í viðtal hjá Icelandair í dag og gerði mitt besta.
Ég varð mér ekki til skammar og ef þau ráða mig ekki er það ekki af því að mér mistókst eitthvað í
viðtalinu, heldur hreinlega af því að ég hef ekki það til að bera sem þau eru að leita að. Reyndar var
viðtalið á þá leið að ég talaði fyrst í einu herbergi við þrjár konur um mig, fyrri störf og bla bla bla og
síðan fór ég í annað herbergi til að röfla á tungumálunum sem ég kann. Þeim gjörsamlega rúllaði ég upp
þó ég segi sjálf frá; ég talaði dönsku, ensku, þýsku og spænsku eins og herforingi og hljómaði alveg
hræðilega pró. Þær þurftu að stoppa mig þegar ég bað um að vera spurð einhvers á sænsku og frönsku
(sem betur fer kannski, ætli ég hefði ekki orðið mér til skammar).
Hmmm...Ég er að spá í að búa til nýtt blogg, svona draumaráðningablogg þarsem ég skrifa niður
draumana sem mig dreymir. Mig nefnilega dreymir yfirleitt alveg fáránlega drauma yfirleitt. Í nótt
dreymdi mig til dæmis að ég væri að halda veislu og væri rosa hamingjusöm af því að fyrir mistök
í tölvukerfi HÍ væri prentkvótinn minn allt í einu búinn að aukast um 79 blaðsíður.
Um daginn (nótt þó) dreymdi mig að mig væri að dreyma græna skó. Og ég spurði mömmu mína:
"Mamma, af hverju er mig að dreyma græna skó?" Og þá svaraði hún: "Ja það táknar það að þú
ert með græna fingur."

Ruglið í henni mér alltaf!
posted by Hildur at 4:43 PM

Ef þið skylduð undrast snögga lundarfarsbreytingu hjá mér þá er eins gott að ég tilkynni það fyrirfram
að ég hef ákveðið að hætta að brosa. Mér skilst að fólk sem brosir mikið fái broshrukkur á munnvikin og fari
jafnvel að líta út fyrir að vera á þeim aldri sem það er. Því skuluð þið ekki búast við því að brandarar falli
í góðan jarðveg hjá mér. Þið uppskerið ekkert nema ónot fyrir slík skrípalæti. Ég ætla líka að hætta að borða
annað en lífrænt ræktað grænmeti og ég ætla að liggja uppi í sófa 5 tíma á dag með súrefnismaska í andlitinu.
Ekki viljum við að Guð neyðist til að senda mig í lýtaaðgerð, hann hefur nóg annað á sinni könnu!
posted by Hildur at 1:43 PM