DV er alveg magnaður skítur. Þið sem eruð ekki áskrifendur að því blaði eruð eiginlega bara óheppin af því að lífið væri sannanlega fátæklegra án þess. Í gær sá blaðið sig knúið til þess að birta myndir af Dorritos Musajeff í kjólnum sínum í roki, þar sem kjóllinn fauk upp um hana eins og á Marilyn Monroe forðum.Tilefni myndbirtingarinnar var að gefa í skyn að Clinton, sá alræmdi kvennabósi sem var í teboði hjá þeim hjónum, hefi nú alveg örugglega laumast til að gjóa til hennar augum í stað þess að einbeita sér að Hillary (?)
Í dag er hins vegar viðtal við ungan mann sem í fyrirsögninni er sagður hafa valið sjómennsku í stað kóngsdóttur í Afríku. Í viðtalinu kemur hins vegar fram að umræddur kóngur, sem átti ellefu konur, vildi endilega kynna hann fyrir eina af dætrum sínum. Ungi maðurinn "vissi nú ekki alveg um það" en gaf honum samt símanúmerið sitt, án þess að kóngurinn hefði síðan nokkurn tíman samband. Hann huggaði sig við það að þetta skipti nú ekki öllu máli, enda væri Benín svo fátækt ríki að kóngurinn sjálfur keyrði um á dælduðum Peugeot. Þannig að við lestur viðtalsins kemur í ljós að maðurinn hafði í raun ekki val um kóngsdóttur í Afríku þar sem kóngurinn hafði síðan aldrei samband við hann, þannig að það er hæpið að segja að hann hafi valið "sjómennskuna og gítarinn" umfram hana. En það er nú gott að hann gat huggað sig við að ríkið væri hvort eð er svo fátækt, það væri örugglega meira stuð að giftast inn í konungsfjölskyldu efnaðra lands!

Reyndar lenti ég einu sinni á séns hjá svona afrískum milljóner. Eða að minnsta kosti Afríkumanni sem sagðist vera milljóner. Ég var 13 ára unglingshlunkur með teina á Mallorca með fjölskyldunni, og umræddur maður vatt sér að okkur á veitingastað og sagði við foreldra mína að honum litist vel á mig sem kvonfang, hann ætti risaeinbýlishús, marga bíla og þjóna á heimilinu sínu. Ef foreldrar mínir væru aðeins ginkeyptari fyrir peningum og hefðu ekki hlegið sig máttlausa væri ég kannski búsett í Búrkína Fasó eða nálægu landi, lakkandi á mér neglurnar og borðandi apaheila í öll mál. Já svona er lífið hverfult!

posted by Hildur at 4:15 PM

Mér finnst Díana Ómel vera snilld. Ekki svo að skilja að ég þekki manneskjuna neitt
persónulega. Reyndar kallaði hún mig einu sinni helvítis píku á Tres Locos, ég hef ekki
hugmynd út af hverju en ég hef eflaust átt það skilið. Málið er bara að hún er svo opin
og einlæg. Í blaðinu í gær var hún í Spurt og Svarað, en í því er meðal annars reynt á
málefnalega afstöðu fólks til ríkisstjórnarinnar og veru varnarliðsins hér á landi. Það stóð
ekki á svörum hjá Díönu varðandi veru varnarliðsins hér á landi:
"Hlynnt. Meira kjöt á markaðnum!"

posted by Hildur at 4:15 PM