Ég og Tóta systir erum í svipuðum pælingum. Það er, við stöndum frammi fyrir því allt í einu að vera að verða fullorðnar. Að vísu er hún gift, þrítug, tveggja barna móðir í Árósum og ég... 24 ára barnlaus einhleypingur í Reykjavík... en það er sama, maður verður ekki "fullorðins" fyrr en maður þarf að velja umfjöllunarefni í lokaritgerðina sína. Hún er að fara að skrifa B.ed í Kennó og ég BA í HÍ eins og sumir vita. Allar hugmyndir að BA ritgerð í stjórnmálafræði eru vel þegnar. Lái mér hver sem vill þegar ég segi að flest af því sem er gáfulegt sem mér dettur í hug er þegar orðið ógeðslega þreytt og ófrumlegt. Ég meina kommon! Ísland og ESB? Eða EFTA eða EES? Sjálfsstæðisbaráttan? NATO? GATT eða WTO? Kvótakerfið for cryin' out loud?
Nei ég þarfnast hjálpar ykkar lesenda. Það hlýtur einhver að vera frjórri en ég. Ef þið hafið ekki hugmyndir að BA í stjórnmálafræði þá myndi Tóta samt örugglega þiggja einhverjar hugmyndir að B.Ed af leikskólaskor.
Takk.

posted by Hildur at 8:45 PM

Ég er komin með bakþanka yfir því að hafa valið að æfa líkamsrækt niðri á Laugum. Bæði af því að það er dýrt (ekki síst í ljósi þess að ég vinn ekki lengur í DP af ástæðum sem ég nenni ekki að tala um. Ef einhver vill hins vegar bjóða mér vinnu má skoða það) og af því að innifalið í verðinu er aðgangur að sundlauginni. Ég hef nefnilega gerst svo mikill asni að hálfvitast út í laugarnar og pottana. Hvað er að því? -spyrja sjálfssagt sumir.
Jú; ekki einungis er hollasta íþróttin í heimi, -sundið- í senn sú leiðinlegasta, heldur er aðeins of ógeðslegt að vera í baði með hundrað öðrum einstaklingum. Ég er kannski helst til mikil pempía... en ég veit það ekki. Ég fæ alltaf mörghundruð lítra af vatni upp í nef, og reyndar alla leið upp í ennisholur, og við það skolast allt hor og slím frá frumbernsku út í laugina, og það sama gildir sjálfssagt um aðra. Svo gleypi ég enn fleiri lítrum af vatni, en þetta er því miður ekki bara vatn og klór. Nei í þessu mallar líka slatti af dauðum húðfrumum, skapahárum, þvagi, saursýklum, sæði og píkusafa úr öðru fólki. Jú jú það er örugglega ágætt fyrir börn að stunda sund þar sem þau þurfa að umgangast töluvert af skíti og óhreinindum til þess að styrkja ónæmiskerfið. En mitt ónæmiskerfi er fyrir löngu búið að sanna styrk sinn, og því segi ég öllum sundlaugum stríð á hendur. Út í sjóinn með þetta!!
Góða helgi.

posted by Hildur at 8:45 PM

Lærið kínversku!
1. That's not right - Sum Tinge Wong
2. Are you harboring a fugitive? - Hu Yu Hai Ding
3. See me ASAP - Kum Hia Nao
4. Stupid Man - Dum Fuk
5. Small Horse - Tai Ni Po Ni
6. Did you go to the beach - Wao Yu So Tan
7. I bumped into a coffee table - Ai Bang Mai Fa Kin Ni
8. I think you need a face lift - Chin Tu Fat
9. It's very dark in here - Wao So Dim
10. I thought you were on a diet - Wai Yu Mun Ching?
11. This is a tow away zone - No Pah King
12. Our meeting is scheduled for next week - Wai Yu Kum Nao
13. Staying out of sight - Lei Ying Lo
14. He's cleaning his automobile - Wa Shing Ka
15. Your body odor is offensive - Yu Stin Ki Pu
16. Great - Fa Kin Su Pah

posted by Hildur at 8:45 PM

Það er sjálfssagt rétt sem hún Ninja Sif ýjaði að um daginn, það er, að ég sé helst til reið þessa dagana. Það er útaf fyrir sig ekkert endilega slæmt. Það hlýtur að gilda um flesta að þeir séu misreiðir eftir eigin hentisemi, veðri og vindum. Ég kenni haustinu og stressi um mitt lundarfar þessa dagana, þótt að ég sé haustmanneskja í eðli mínu. Það er bara svo fínt að geta kennt öðru um en eigin viðkvæmni og fúllyndi.
Vinnan í DP er að venjast. Ég er búin að læra flest af því sem þarf að læra, og ekki spillir það að Begga er farin að vinna með mér um helgar. Um leið og fólk er hætt að skipa mér fyrir á vinnustaðnum verður þetta bara ágætt. Ég þoli ekki fyrirskipanir, hvað þá þegar fólk dirfist að tala við mig í boðhætti. Ábendingar eru heldur ekki skemmtilegar að mínu mati. Djöfull er maður einþykkur.
Ég ætla líka að segja það að ég er hætt að fara á djammið hverja einustu helgi. Hvað er maður gamall? Táningur? Það er alveg kominn tími á að hætta þessu brölti og verða alvarlegri. Festa ráð sitt og skella sér til Kanarí. Það er ekkert grín að vera á þrítugsaldri.

posted by Hildur at 1:56 PM