Thank you very nice!
http://www.lindyr.blogspot.com
Berlindýr er byrjuð að blogga aftur og hvet ég bloggunnendur til að tékka á stúlkunni. Hún er einn liprasti penni bloggheimsins. Ég var reyndar ekki mjög sátt við að sjá að hún þykist ætla að hætta við að verða lögmaður og fara í læknisfræði í staðinn. Mín framtíðarsýn hefur löngum verið á þá leið að ég, þá feiti pólitíkusinn og hún, þá kókaði lögmaðurinn, verðum saman á einhverjum stórspilltum koníaksbúllunum með vindla. Já og svo ætlaði ég að láta hana verja mig fyrir landsdómi, en landsdómur á að dæma í málum ráðherra fyrir afglöp í starfi, og hefur enn aldrei komið saman. Nú verð ég að endurskoða þessa framtíðarsýn! En þegar ég pæli í því þá þarf þetta ekkert að vera svo slæmt. Maður getur jú hvenær sem er tekið upp á að fá tásveppi eða skyrbjúg, og þá er ekki úr vegi að vera með einn Dr.Feelgood í hraðvalinu á gemsanum. Á diskinn minn? Læknadóp!

posted by Hildur at 3:46 PM

Ég var að spá. Nú er komin ný borgarstýra og ég hef ekkert út á það að setja. Það verður væntanlega að stjórna þessari borg og fyrst að olíusauðurinn drullaði upp á bak varð að fá aðra manneskju í verkið. Mér hefur alltaf þótt asnalegt að nota útlit fólks sem rök með því eða á móti. Margir, sem hafa sett út á Ingibjörgu Sólrúnu, hafa ekki getað rökstutt það með öðru móti en að: "Æ ég meina... asnaleg hárgreiðsla". Svo er stundum talað um hvað stjórnmálakonur á borð við Siv Friðleifs, Þorgerði Katrínu, Katrínu Júlíus, Dagnýju og fleiri, séu huggulegar eða smart eða ósmart í tauinu. Ég hef alltaf litið svo á að útlit kvennanna virðist skipta fólk meira máli heldur en karlanna og það finnst mér asnalegt. En nú hef ég smátt og smátt komist að því að karlmennirnir eru meira eða minna komnir í sömu stöðu, sérstaklega þessir ungu. Áður hugsanlega borgarstjóraefnið Dagur B, Sigurður Kári,Bjarni (æ þarna í íhaldinu) og fleiri eru stöðugt kallaðir sætabrauðsdrengir auk þess sem jakkafataklæðnaðurinn og brillíantínið í hárinu er reifað. Ég hélt einhvern tíman að fólk myndi hætta að vera svona fordómafullt í garð stjórnmálakvenna og láta eins og útlit þeirra skipti máli. En jafnréttisskrefið hefur verið tekið afturábak. Karlarnir eru sokknir í sama svaðið, og ég get ekki annað en velt því fyrir mér hvort næsta skrefið sé þá kannski að lækka laun karlmanna þannig að þau verði eins lág og laun kvennanna? O svei.

Ég þakka fólki fyrir góðar hugmyndir að hlutum sem ég þarf að gera fyrir þrítugsaldurinn. Ég hef fimm og hálft ár til stefnu ólíkt Tótu og Ernu sem eru á síðustu forvöð. Anna Jóna kom með góðan lista yfir hluti sem ég ætti að stefna að. Mér líst vel á að gifta mig og skilja, ferðast til allra heimsálfa, prófa hollívúdd kúrinnn, eignast hús og bíl, skrifa kvikmyndahandrit, verða mér út um að minnsta kosti eina háskólagráðu og helst tvær, og það án hjálpar alnetsins, og skrifa bók. Nenni hins vegar engan vegin að eignast börn fyrir þrítugt.
En ég ætla líka að verða hundgömul eins og Ásdís. Ég held ég muni ná 93 ára aldrinum og ég ætla að vera aðal gellan á elliheimilinu allt fram á síðasta dag.

posted by Hildur at 1:13 PM

Ég var að spá. Eftir um hálft ár verð ég orðin 25 ára gömul. Ég þarf að útbúa lista yfir hluti sem ég þarf að vera búin að gera áður en ég verð þrítug. Allar hugmyndir eru vel þegnar.

posted by Hildur at 1:24 PM