Ég var að koma úr Ölgerð Egils Skallagrímssonar með fulla tunnu af bjór. Það vildi nefnilega svo óheppilega til þar á bæ að eitthvað rör sem dælir bjór sprakk þannig að gullnu veigarnar flæða út um allt íverksmiðjunni. Það er ekki hægt að stöðva þetta fyrr en tankurinn hefur tæmst, þannig að hinn almenni borgari má fara þarna og hjálpa til við losun með að koma með eigin ílát og taka við bjórnum, og má að sjálfssögðu eiga hann. Tékkið á þessu, við erum að tala um hundruði lítra, og þetta mun ekki tæmast fyrr en í kvöld.

Já og það vill svo til að nágrannarnir mínir eru að fara að flytja til útlanda á svipuðum tíma og ég í vor, og þau buðu mér ekta amerískan ísskáp gefins. Ég get ekki þegið hann, en ef einhvern vantar slíkan grip sér að kostnaðarlausu, hringið í 6905164
posted by Hildur at 11:18 AM

Kapítalisminn étur börnin sín!

Vegna fjölda áskorana hef ég ákveðið að víla það ekki fyrir mér að röfla um pólitík hér á bloggernum. Kamilla sagði um daginn að hún nennti aldrei að lesa bloggið mitt af því að ég væri alltaf bara að nöldra um Macchiavelli og Línuívilnun. Hún verður þá bara að lesa eitthvað annað.
Það sem ég ætla að skammast yfir í dag (eins og oft áður) er frjálshyggja. Ég hef fleygt því áður að ég væri hvorki kommúnisti né frjálshyggjusauður heldur skynsamleg blanda af hvoru tveggja. Enda finnast mér öfgar í báðar áttir vera jafn skelfilega vitlausar. Ef að er gáð, hverjir eru það líka sem helst aðhyllast hreina frjálshyggju? Jú, vatnsgreiddir og sáraeinfaldir sætabrauðsdrengir með bindi og annan jakkavasann fullan af seðlum, sannfærðir um að í framtíðinni munu þeir fylla hinn, og skíthræddir við að skattmann muni innan tíðar krækja í fimmtíukallinn í rassvasanum. Í því ljósi slengja þeir fram tískuorðunum "frelsi" og "sjálseignarréttur", svona eins og til að vera töff. Flestir fatta þeir þó að það er ekki pólitískt réttmætt að berjast einungis fyrir hagsmunum ríka fólksins og félagslegum darwinisma, og bæta þá við aldeilis fjarstæðukenndum rökum þess efnis að "þegar til lengri tíma sé litið" sé þeirra draumur líka skynsamlegur fyrir fátæka fólkið. Passa bara að bæta við nóg af "efum", "könnskum" og "hugsanlegum".
Enda afskaplega fallegt að vilja berjast fyrir engum ríkisafskiptum; því þá geta þeir horft á fátæku verkamennina sem vinna við að smíða leðurstóla undir rassana á þeim, geta ekki sent börnin sín í almennilega skóla og veslast upp vegna sjúkdóma sem þeir hafa ekki efni á að leita sér lækninga við. Svo segja þeir við þá: "Það er mér að þakka að þú ert svona frjáls!"
posted by Hildur at 7:51 PM

Allir krakkar brandarar

Allir krakkarnir fóru að gráta við jarðarför kennarans
-Nema Mæja
hún fór að hlæja

Allir krakkarnir horfðu á örbylgjuofninn
-Nema Binni
hann var inni

Allir strákarnir dönsuðu við stelpur á ballinu
-Nema Ágúst
hann dansaði við strákúst

Allir krakkarnir fóru á djammið
-Nema Hildur
hún hafði skyldur
(ég samdi þennan sjálf þannig að endilega hlæið..)

Allar stelpurnar notuðu víbrador
-Nema Eir
hún notaði leir

Allir krakkarnir kunnu að ríma
-Nema Doddi
hann kunni það ekki
posted by Hildur at 2:31 PM