Fari það kolað!
Ég var að drulla svo rækilega upp á bak í prófi áðan að það er ekki fyndið. Ömurlegt að láta niðurlægja sig svona, frekar hefði ég viljað vera flengd á beran og hirt á almannafæri heldur en að ganga í gegnum þessa vitleysu. Þetta er endemis rækallans dómadags rugl.
svona er ég á svipinn núna. ATH. EKKI FYRIR VIÐKVÆMA!!

Annars er það að frétta af mér að ég er komin í hlutverk klappstýru
Það er alveg jafn heiðarlegt hlutverk og hvert annað, og að mörgu leyti vanmetið.
posted by Hildur at 3:30 PM

Ég þurfti að fara til tannsa í gær sem væri ekki frásögur færandi nema af því að það er svo skemmtilegt. Hann segir alltaf: "Ég sé að þú ert dugleg að bursta tennurnar og nota tannþráð" og þá bæði verð ég glöð og fyllist samviskubits. Skemmtilegt samt að hann skuli vera ánægður með þessar mosagrónu hryggðarmyndir í kjaftinum mínum.

Það var hins vegar ekki skemmtilegt fyrir fjárhaginn. Ég ætlaði kannski að fara og vera í Svíþjóð að vinna í allt sumar en hef því miður ekki efni á því. Og ég er ekki komin með neina vinnu hér ennþá. Lífið er tík.
posted by Hildur at 1:41 PM

Það er svo fyndið með okkur háskólastúdentana, ja eða bara námsmenn almennt, að við vorkennum okkur alltaf svo mikið í prófatörninni. Ég vorkenni sjálfri mér alveg hrikalega núna, það er svo hræðilega mikið að gera í verkefnum og lestri, og fólk sem stendur mér næst hefur aldeilis fengið að heyra harmakveinið í mér. Samt er mér nákvæmlega engin vorkunn. Og í rauninni finnst mér þetta ekkert slæmt. Ég fæ ákveðinn kikk út úr þessu álagi og þessari spennu og þó ég segist stundum öfunda þá sem eru ekki í námi og geta djammað alla daga, þá geri ég það ekki. Það er miklu skemmtilegra að djamma þegar maður er búinn að losa um ákveðna spennu.

Yfir í annað. Samnorræni júróvisjónþátturinn samnorræni er tær andskotans snilld. Eiki Hauks stendur fyrir sínu og bjargar spjallhluta þáttarins ásamt finnska gaurnum. Hinir fulltrúarnir eru helst til karakterlitlir. En ég tilkynni hér með að mitt uppáhaldslag til þessa er lagið frá Moldavíu. Það er svona rokkhljónst, minnir aðeins á Red Hot Chili Peppers, nema að viðlagið er rosalega þjóðlegt og spilað á flautur, og textinn í viðlaginu er á máli innfæddra og þýðir "amma spilar á trommu". Og þegar lagið er hálfnað kemur ein krúttleg sjötug babúska inn á sviðið með trommu. Svona á júróvisjón að vera!
posted by Hildur at 12:04 PM