Það er víst kominn tími á að bregðast við klukki frá Huga og Ernu frænku. Sumir skrifa fimm atriði um sig sjálfa en aðrir tíu. En þar sem ég er illa haldin af sjálfhverfu dugar ekkert minna en tíu.

1.Ég á mér engan uppáhalds lit. En alltaf þegar ég er að taka einhver svona heimsk próf þá segi ég "fjólublár" -bara til þess að segja eitthvað.
2.Draumaprinsinn minn er fallegur, góður, gáfaður, húmoristi og kattarvinur. Hér eru ekki gerðar neinar málamiðlanir.
3.Eftir mánuð útskrifast ég frá HÍ sem stjórnmálafræðingur (VONANDI segi ég því ég hef ekki enn fengið einkunn fyrir BA ritgerðina -sem verður vonandi ekki falleinkunn)
4.Þó er það minn æskudraumur að verða þyrluflugmaður -það væri reyndardálítið skrítið ef eitthvert barnið dreymdi um að verða stjórnmálafræðingur í framtíðinni- en mig langar enn hryllilega mikið að læra á þyrlu og er að skoða möguleikana.
5.Ég er frjálslyndur jafnaðarmaður og femmari og skil hreinlega ekki af hverju það eru það ekki allir. -Það er nefnilega eina vitið!
6.Ég hef búið í fjórum höfuðborgum um ævina. Nefnilega Kaupmannahöfn, Reykjavík, Berlín og Madríd (í réttri röð). Auk þess dvaldist ég í Sevilla í tvo mánuði fyrir 4 árum og stend í slíkri dvöl í Munchen núna.
7.Mér finnst Ísland besta land í heimi.
8.Það er STRANGLEGA BANNAÐ að tala við mig í boðhætti.
9.Alla jafna er ég trúlaus. Held samt að það væri gaman ef maður gæti trúað einhverju af því sem aðrir eru að trúa. Reyndar kemur fyrir þegar dimmt er og drungalegt að ég fer að trúa á alls konar hindurvitni.
10.Ég ætlaði að skrifa eitthvað sniðugt hérna síðast en datt ekkert í hug þannig að ég skrifa bara þetta í staðinn.
posted by Hildur at 12:01 PM

Nöldr nöldr vael vael
Thad var svosem audvitad ad Októberfest byrjadi og um leid kólnadi all verulega í vedri. Thá fae ég náttúrulega kvef. Samt eru allir ad segja vid mig: "Nú ertu frá Íslandi, thá hlýtur thetta vedur ad vera fínt fyrir thig"
Ég skal segja ykkur thad. Ég tholi ekki ad vera kvefud, ég verd öll ómöguleg og er med heimthrá. Mig langar heim núna eda strax.
Er reyndar adeins skárri núna en í morgun. Ég er nefnilega búin ad versla mér föt sídan thá og er á leidinni í raektina.

Ég aetla EKKI ad búa í útlöndum í framtídinni.
posted by Hildur at 5:41 PM

Allir lesa um Októberfest í þýsku í menntaskóla. Og sjá fyrir sér sakleysislega góðglaða Bæverja í lederhosen með bros á vör og bjór í hendi.
Ég skal segja ykkur það. Verandi frægasta bjórfestival í heimi laðar þetta að milljónir ferðamanna á ári hverju, þannig að ég er búin að komast að því að þetta er helmingi stærra en ég hafði ímyndað mér, og smekkfullt af peðölvuðum Ítölum, Áströlum, Austurríkismönnum og einstaka Bæverjum. Fólk mætir klukkan 9 á morgnanna til að fá borð, og öryggisverðirnir hafa í nógu að snúast við að henda út slagsmálabelgjum og áfengisdauðum bjórunnendum. Ef ég hefði hitt einhverja Íslendinga á svæðinu hefði ég eflaust hugsað "Ji hvað við erum ódönnuð", en ég hitt enga slíka þannig að ég sá að aðrar þjóðir eru ekki skárri en við. Ég fór í gær með tveimur vinkonum mínum, önnur þeirra er frá Svíþjóð og hin frá Ítalíu, og sú ítalska mátti til með að fá óteljandi kjánahrolla af þjóðernisskömm -ekki beinlínis að ástæðulausu.
Það var samt svaka fjör og ég fór í mörg tívolítæki, kneyfaði ölið og endaði á diskóteki. Og öll vikan framundan er helguð Októberfesti. Vill einhver koma í heimsókn?
posted by Hildur at 2:13 PM