Sko
Ef fólk ætlar að vera með einhver sárindi út af því sem stendur á þessari síðu þá er það í vondum málum því ég hef vanið mig á það annað slagið að láta í ljós fullkominn hroka og fúllyndi hér. Mér finnst það dálítið töff.
En ekki misskilja mig, fýlan lekur ekki af mér öllum stundum, ég er venjulega eins og sólin sjálf. Í alvöru! En það versta sem ég veit (nú er ég að tala í alvöru) er fólk sem reynir að breiða yfir fúllyndið sitt með því að kreista fram brosi og reyna að sannfæra aðra um að það sé í rokna stuði. Hitt er kúlaðra, að sýna sitt rétta andlit og ég tala nú ekki um þykjast vera yfir aðra hafinn, þegar maður er í nöldurstuði.
posted by Hildur at 1:04 PM

Alltaf finnst mér jafn sjarmerandi svona fólk sem virðist ALLT vita og er ógeðslega klárt í að leysa erfiðar þrautir. Ég ber mikla virðingu fyrir slíku, jafnvel þótt viðkomandi séu kannski stundum með skerta tilfinninga og/eða félagsgreind. Svo er líka til fólk sem er með mikla tilfinninga og félagsgreind en veit ANDSKOTANN ekki rass í bala í sinn haus. Það finnst mér hallærislegt. Ég er ekki að meina að ég sé eitthvert gáfnaljós sjálf, því fer fjarri; en ég er að tala um lið sem veit ekki hluti sem ég hefði haldið að "allir" vissu. Til dæmis að Víetnam er í Asíu, Ísland er ekki í ESB, portúgalska er töluð í Brasilíu og að Stekkjastaur kemur fyrstur til byggða. Svo hefur þetta fólk jafnan ekki áhuga á nokkrum sköpuðum hlut nema kannski að vera með flottustu strípurnar, græða pening til að geta farið til Mallorca og þar fram eftir götunum.
Jæja allt í lagi ég er hrokagikkur og drulluháleisti... en ég get ekki að því gert að ég ber svo til alltaf mun meiri virðingu fyrir fólki sem veit miklu meira en ég heldur en fólki sem veit miklu minna en ég.

Þetta var fýlublogg dagsins.
posted by Hildur at 1:21 PM

Ég tók út myndina sem var til hliðar af því að mér fannst plebbaháttur að vera með mynd. Þú veist, Sóóó last síson
posted by Hildur at 3:39 PM

Ég hitti Selebb
Ég hitti víst Jack White um helgina án þess að fatta hver hann væri, enda ég með ómanngleggri manneskjum. Ég fattaði það ekki einu sinni þótt hann væri að bjóða öllum upp á Jack Daniels og White Russian. En ég fór ekki á White Stripes tónleikana í gær af því að ég nennti nú ekki að vera að hanga með selebbi tvö kvöld í röð!
posted by Hildur at 7:08 PM

Alveg er það magnað hvað maður ætlar alltaf að kíkja niður í bæ og kannski fá sér tvo bjóra en endar á því að raða ofan í sig Ópal skotum án þess að mega við því. Og það með nafnið Dagný tattóverað á annan upphandlegginn.
Annars kunngjörist hér með að í fyrsta lagi var ég að fá nýtt símanúmer, sem er 6699529 (ég vona að ég sé ekki með þessu að stuðla að því að ókunnugt fólk hringi í mig og andi í símann, ég læt það samt ráðast) og í öðru lagi þá eru allt í einu allir tengiliðirnir dottnir af messengernum mínum. Ég veit ekki hvort það þýði að ég sé líka dottin út hjá öðrum, en ef svo er tilkynnist hér með að meilið mitt er hillybillster[hjá]hotmail.com. Þeir sem hins vegar lesa ekki bloggið mitt, þeir munu væntanlega ekki hafa hugmynd um nýja númerið mitt, og halda áfram að hringja í hið gamla, alveg eins og einhver nörd.
Síðasta tilkynning dagsins er: Ég ætla ALDREI aftur að drekka áfengi.
posted by Hildur at 11:20 AM