Tíkin sem kennd er við póli
Nú er ég alltaf að færast lengra og lengra til vinstri og í áttina til frjálslyndis. Verð semsagt með hverjum deginum réttnefndari sem frjálslyndur sossi. Í hlutfalli við það verðu mér alltaf verr og verr við bölvans íhaldsstefnuna. Damn conservatives. Rækallans ekkisens guðsvoluðu ræflar.
En þótt stjórnmálaskoðanir mínir taki kannski breytingum gerir viðmót mitt það ekki. Því að alltaf er ég við sama heygarðshornið þegar einhver gerir sig líklegan til þess að fara að rökræða við mig. Alltaf kemst viðkomandi fljótlega að hinu sanna; Ég hef alltaf rétt fyrir mér, -you aint got nothing on me, baby!
posted by Hildur at 11:50 PM

Ég verð að segja að eins og mér þykir Sylvía Nótt vera góður djókur, þá kemst hún ekki með tærnar þar sem Gillzenegger hefur hælana. Ég held nefnilega að þetta grín sem þessi persóna er sé í raun afskaplega vel ígrundað, útpælt og til þess ætlað að ýmist ganga fram af fólki eða kitla í því hégómagirndina. Og það sem meira er, fólk trúir því í alvöru að hann sé raunverulegur! Ég myndi kalla þetta framúrstefnulegt listform, nú eða gjörning, sem drengurinn lifir sig svo sterkt inn í að hann fær alla til þess að trúa því að hann sé ekki að grínast.
En þetta ER víst allt saman grín hjá honum, fyrir þá sem ekki vita.
posted by Hildur at 12:57 AM

Hæjj hæjj ;-)
Ég held ég sé ekki ein um það að finnast svona broskallar í bloggfærslum og almennt í rituðu máli vera pirrandi. Það er að mínu mati bæði hryllilega gelgjulegt, tilgerðarlegt og óþarfi að skreyta mál sitt með einhverju sem á að lýsa svipbrigðum eða gefa textanum einhvern jákvæðan blæ. Kannski er það af því að það minnir mig á fólk sem telur sig hafa einhvern hag af því að kreista alltaf fram tilgerðalegu brosi til að virka hresst, eða ég tala nú ekki um til þess að fela fúllyndi sitt. Kannast ekki allir við svona lið sem er augljóslega í fýlu, -annað hvort af því að það hefur ástæðu til þess eða af því að það er almennt fýlupúkar- en eru alltaf með tilgerðarbrosgrettu í fésinu? Sjálf hef ég staðið mig að þessu en hef markvisst tekið mig til og passað að brosa og vera hress þegar ég vil brosa og er hress, og þegar ég er fúl, þá bara er ég fúl.

Annars var ekkert smá vont veður í dag :( Það verða víst varla hvít jól þetta árið. En jólin snúast nú um allt annað heldur en veðrið :) Aðal atriðið er jú að hafa það kósý ;) Gleðileg jól öllsömul :)
posted by Hildur at 9:40 PM

Það smáborgaralegasta sem ég veit er Íslendingar að hneykslast á samlöndum sínum fyrir að vera smáborgarar. Og ég ætla að gerast eins smáborgaraleg og hugsast getur í dag. Því ég verð að segja að mér finnst það ótrúlegur smáborgaraháttur að fyllast þjóðarstolti yfir fegurðarsamkeppni. Ókei kannski mættu 10.000 manns í Smáralind til þess að samgleðjast Steinssyni junior fyrir persónulegan sigur hennar í hinni umdeildu keppni, og þá er það út af fyrir sig ekkert endilega smáborgaraháttur. Mér finnst líka hálf tilgangslaust að vera að býsnast yfir því að Dóri Ásgríms óski henni til hamingju með árangurinn "í nafni þjóðarinnar". Það hljóta allir að vita að allt sem hann segir er ekki í nafni þjóðarinnar, hvaða álit sem fólk annars hefur á honum eða því sem hann er að tjá sig um.
Það breytir því ekki að mér finnst smáborgaralegt að fyllast þjóðernisstolti yfir árangri einstaklings í einni af skrilljón fegurðarsamkeppnum heimsins -hvort sem þessar keppnir eru "æði" eða ekki-. Því að í fyrsta lagi, hvað eru eiginlega til margar svona alþjóðlegar fegurðarsamkeppnir í heiminum, og þá meina ég fyrir utan Miss World og Miss Universe? Og hvaða "landkynningargildi" hefur hver sigurvegari fyrir sig? Hefur einhver Guðmund um það hverrar þjóðir ungfrú heimar síðust 20 ára hafa verið? Segjum svo að síðustu tvö ár hafi þær verið Azerbaidjan og Chile. Langar þá alla rosalega mikið til Azerbaidjan og Chile??
Það smáborgar- og smásálarlegasta af öllu finnst mér hins vegar þetta viðhorf hjá ótrúlega mörgum, að fyrst að miss world þessa árs reynist vera Íslendingur, þá sé það eitthvað "rangt" eða mikið "þjóðernissvik" að finnast keppni í útliti eitthvað annað en heilbrigð og æðisleg.

PS. Hver er þrjátjústasti gesturinn?
Verðlaun í boði fyrir viðkomandi lesanda.
posted by Hildur at 8:12 PM