Þegar ég skráði mig í framhaldsnám í alþjóðasamskiptum í HÍ og ákvað að skella mér í framboð með Háskólalistanum þá einhvern vegin tók ég ekki með í reikninginn að einn fylgifiskur þess að vera í námi er að þurfa að sinna heimavinnu. Ekki síst ef maður er í framhandsnámi. Ég fattaði það engan vegin. En þar sem ég þarf að bíta það í mig þá neyðist ég víst til að eyða öllum sunnudeginum í lestur um hafréttarmál og gera verkefni um hið sama. Já lífið er hart.
Þetta verð ég allt að gera með plástur fyrir öðru auganu, þar sem kvöldið í kvöld fer í að drekka bjór yfir Júróvisjón forkeppni og svo í head-banging á H-vaða á Keltik. Ef maður NEYÐIST til að djamma þá bara verður maður að forgangsraða.
posted by Hildur at 3:18 PM

Af hverju skammar mig enginn fyrir að vera helber ekkisens ræfilstuska? Sjáið þið ekki hvað ég væli mikið og vola? It aint my style. Ég þarf bara að taka lýsi, hætta volinu og minna sjálfa mig á að ég er komin í beinan kvenlegg af Grundar-Helgu. Þá getum við loksins talað saman.
posted by Hildur at 7:28 PM

Hverjum er ekki sama?
Hverjum er ekki sama um prófkjör Samfó í Reykjavík?
Hverjum er ekki sama um kosningar til Stúdentaráðs?
Hverjum er ekki sama þótt ég sé komin með upp í kok af vinnunni?
Hverjum er ekki sama þótt ég eigi alveg afskaplega erfitt með að standa við það sem ég er ALLTAF að lofa sjálfi mér, sem er að hætta að vera á endalausu djammi og fara að vera reglusöm og ábyrg?
Hverjum er ekki sama þótt ég hafi ekkert að segja nema tóma steypu sökum andlegs getuleysis þessa dagana?

Mér er ekki sama, en öllum öðrum er alveg áreiðanlega sama.
Ég held að lausnin við þessu sé einföld; ég leggst í hýði.
posted by Hildur at 8:52 PM

Ég held að fólk sé almennt ekki alveg að fatta þetta með dönsku Múhammeðsteikningarnar og múslimana. Allavegana held ég að þetta sé dálítið eins og ef meirihluti Evrópubúa væru jafn strangtrúaðir og kristnir eins og Gunnar í Krossinum, og einhverjir annarrar trúar færu að djóka með að Jesús hefði verið hommi og lýstu því grafískt opinberlega.
Mikið er annars gott að þykjast vita að Múhammeð og Jesús voru bara mennskir -og hafa ekkert á móti gríni eða hommum... en það eru víst ekki allir eins.

Úr því að minnst er á grín, þá er þetta ágætis grín að Stúdentapólitíkinni.
posted by Hildur at 7:20 PM

Hér má sjá að helgin fór eftir allt saman í afslöppun í náttfötunum... eða að minnsta kosti í afslöppun fáklædd. Þröngt mega sáttir sitja í svita annarra og hita.

Forza Háskólalistinn
posted by Hildur at 11:32 AM