Einhverra hluta vegna er svo komið fyrir mér að fólk er farið að giska oftast rétt um aldur minn. Frá því að ég var svona 22 ára hefur nefnilega fólk iðulega giskað að ég væri töluvert yngri en ég er, og sérstaklega tók ég eftir því síðastliðið haust þegar ég var í tvo mánuði í Þýskalandi. Einhverra hluta vegna virtust allir halda þar að ég væri vart af táningsaldri, og það má nú segja að það hafi kitlað hégómagirnd mína. En núna allt í einu er ég með það skrifað á enninu á mér að ég sé þetta tuttugu og fjögurra-fimm-sex ára, sem er auðvitað nærri lagi þar sem ég verð tuttugu og sex í maí. Eitthvað verð ég að gera róttækt í þessu og hætta að vera svona kerlingaleg þótt ég sjái ekki alveg hvað það er. Kannski ætti ég að fara að ganga með tíkó.
Að vísu er það kannski ekkert slæmt eða hundgamalt að vera á tuttugasta og sjötta aldursári, en ég er aðallega að hugsa um framtíðina. Það gengur ekki að líta ALLTAF út fyrir að vera á sínum aldri, og þegar ég er fertug vil ég að fólk haldi að ég sé þrítug. Kannski getur maður farið í svona útlitsfrystingu. Þá myndi ég fram á tíræðisaldur líta út fyrir að vera tuttugu og fimm. Það væri góðra gjalda vert.
posted by Hildur at 4:07 PM

Það verður seint sagt að ég sé ánægð með útkomu þessarar kannanar. Ef fólk er að kjósa sannleikanum samkvæmt þá á ég fullt af leyndum aðdáendum en svo gott sem enga vini. Kannski finnst fólki ég vera of hallærisleg til að geta talist vinur einhvers. Nú eða eru vinir mínir allir svo flippaðir að merkja við "leyndan aðddáenda" eins og það sé eitthvað töff.
En ekki merkja við þann möguleika nema að ef að þið væruð bachelor eða bachelorette og ég einn af keppendunum, þá gætuð þið hugsað ykkur að gefa mér síðustu rósina. Reyndar er það tekið með ef hrifningin er einungis platónsk eða einungis kynferðisleg.

Góða helgi.
posted by Hildur at 4:24 PM

Ómega er hljóðlaus á sjónmartinu mínu. Flestum væri kannski sama um að heyra ekki í Ómega en satt best að segja hef ég stundum horft á þetta með athygli. Í gær var til dæmis Gunnar í Krossinum að predika. Ég var dálítið forvitin að vita hvað hann væri að segja en ég get svosem giskað á að hann hafi verið að röfla um hvað samkynhneigð væri mikil synd og skútyrða homma og lesbíur. Halelúja.
Ég er svona liberalisti og hef mér það helst til sakar unnið gagnvart Guði að ég sé ekkert slæmt eða syndsamlegt við samkynhneigð. Enda fer ég hvort eð er til helvítis samkvæmt könnun á vegum Gunnars.

Úr því að minnst er á könnun, endilega takið þátt í könnuninni hérna efst til hægri. Ég er að athuga hverjir það eru helst sem skoða bloggið mitt.
posted by Hildur at 2:45 PM

Leiðir fyrirtækja til þess að auglýsa vörur sínar og laða að viðskiptavini eru misjafnar. Stundum verð ég að viðurkenna að ég botna ekkert í því hvernig sumum fyrirtækjum og auglýsingastofum detta í hug þessar vitleysisauglýsingar sem búnar eru til. Til dæmis Landsbankaauglýsingin "eyddu í sparnað". Eins og það er í raun mikilvægt og göfugt að eyða í sparnað þá tekst þessari blindfullu kerlingu ekki að sannfæra mig. Ég meina það, konugreyið situr þarna slefandi af ölvun (að því er virðist að minnsta kosti) og bullar um að hún sé að láta peningana vinna fyrir sig, skutli þeim bara í vinnuna. "Ég meina *hikk* ma'r er alltaf *hikk* að þræla fyrir þeim sko". Svo er hún alltaf með einhverja einkennilega svipi, svona eins og kemur á fólk þegar það er blindfullt en að reyna að virka gáfulegt.
Eyðir ÞÚ í sparnað?
posted by Hildur at 8:21 AM

Þá er komið að hinum sívinsæla lið bjánatextar sveitaballahljónsta. Í þetta skipti verður Sálin tekin til skoðunar. Þótt aðdáendur þeirrar sveitar trúi því kannski ekki þá var nú hægt að tína til sitthvað sér til ánægju og yndisauka úr þeirra textum. Áður hefur verið vitnað í Skímó og áms og það er nóg eftir. Síðan þegar ég er búin að taka þær helstu fyrir þá ætla ég að taka saman "það besta af því versta".
En njótið tilvitnanna í texta Sálarinnar:

Framlágur er heldur kappinn.
Floginn um hvippinn og hvappinn.
Ég verð að safna í sarpinn
og sofa hjá Jónu.

"Enginn verður óbarinn biskup", segir þú,
"enginn nær í rekkjunaut eftir klukkan þrjú".

Smám saman færist ég allur í aukana oh, oh, oh,
undarleg tilfinning grípur og grefur sér leið

Húsið er tveggja hæða,
hjónin eig´allt sem þau dreymdi um.
Kallinn er út´að græða
meðan hún er ein með tækjunum.

Það er ekki nokkur spurning að hún er til deildar
þessi Svanfríður, þessi Svan- Svanfríður, -ríður.
Gamli var í honkara hér áður fyrr í old - days
eftir að hafa lent í alveg sjúku gargi.

"Wildarinn" tekinn, líka "Later - on" og sjúkheit.
Haffari eða klukkari með gömlu,
blöðruskapur, "Emmarinn", "Ystarinn" oh!
Þett'er nú fyrir löngu orðið algjört cerwin.

Sviti og sætur ilmur
saman renna hér í eitt.
Skyrta úr leðurlíki
getur lífinu breytt.

Sjá hvað þau svitnuðu
Hvíldu í friði
Leifarnar undir þeim
En þær lifnuðu ekki við
Þær lifnuðu ekki við

Færðu þig nær til að finna lykt
Ég er fallegr'en á myndum
Hugsun þín er í hendi mér
Því ég hræri í þínum æsta huga

Þér er boðið upp í ferð.
Andlegt fæði af bestu gerð.
Hvergi heyrist orðið "nei".
-field er fararstjórinn May-.

Við höfum frétt að nú sé fjandinn laus,
mannfólkið hefur fengið flugu í haus,
þau hafa dýrmæta sál, heyrið, öll sem eitt.


Sjá fleiri texta hér
posted by Hildur at 4:26 PM

Þarnæstu helgi verður næsta djammhelgin mín. Ég er nefnilega að öllu jöfnu heilög kýr í þeim efnum sökum heilsusamlegs lífernis. En þessa umræddu helgi verður Þing Unga Fólksins og ég er að spá í að koma með einhverjar flippaðar ályktanir, af því að ég er svo flippuð. Dæmi:
-setjum lögbann á Framsóknarflokkinn
-byggjum Búddalíkneski úr gulli á eyjuna í Tjörninni
-"ó mig langar uppá þig" með Á Móti Sól verði gert að þjóðsöng
-höfuðstöðvar Alþjóðakjarnorkumálastofnunarinnar verði fluttar í Hafnarfjörðinn
-karlana bak við eldavélina
posted by Hildur at 11:14 AM